CHASTIER

verbe

[T-L : chastiier ; GD : chastier ; GDC : chastier ; AND : chastier ; DECT : chastiier ; FEW (II-1, 471b) : castigare ; TLF (V, 602a) : châtier]

I. -Emploi transitif.

A. -Avertir, mettre en garde, donner des conseils à.

...elle me prist a chastïer, Pour mon cuer d'erreur eslongier (Mach., D. Aler., a.1349, 341)

Si vous dy ainsi, Pour chastier les filz desroys [l. des roys] A venir, que plus telx des roys [l. desroys] Contre pére et mére ne facent (Mir. ste Bauth., c.1376, 145)

...je ne die pas que on doye reffuser bon traictié, qui le puet avoir, mais qu'il soit brief, ou si longs qu'il soit a tousjours, sans plus en faire memoire aux vivans, et au prouffit et honneur de cellui qui y pense avoir le plus grant droit, et qui ly a selon commune renommee. Tout ensement que vous ouez chastia Melusigne ses enfans, lesquelz l'en mercierent moult. (Arras, c.1392-1393, 88)

Mains epistres en a escrips A ses baillis, a ses prevos, 'Qu'ilz le chastient comme folz...' (Chr. Piz., M.F., IV, 1400-1403, 42)

...dont est a ceulx très grant reproeuche, qui sont pour chastier les aultres et eulx meismes font le pis. (La Sale, Sale D., 1451, 63)

Chastier qqn que

Si qu'amis doulz, je te chastie, Se tu veulz [mener] bonne vie, Que ne soies en jalousie, Car c'est la mort (Mach., Voir, 1364, 534)

Et aussi le saige, quant il voit qu'il n'a pas puissance de resister a la force de son adversaire, il pourchasce longs traictiez pour dissimuler tant qu'il se voye en puissance qu'il puist nuire a son ennemy, et lors en pou d'eure treuve voye dont le traictié soit nul. Et pour ce vous chastie je que vous ne deportez vostre ennemy la ou vous le povez mettre en subgection par honneur. Et, se alors vous lui faictes courtoisie, il vous sera tourné a tres grant honneur. (Arras, c.1392-1393, 87)

infinitif substantivé. Avertissement, conseil.

Et des qu'il [Amour] a la pensee conquise Et ou logeis sa droitte merche mise, Il y veult faire aussi bien a sa guise Qu'en sa maison. Plus n'y a lieu le pouoir de raison ; Du chastïer n'est il mie saison ; Penser ailleurs, ce semble desraison. (Chart., D. Fort., 1412-1413, 160)

B. -Blâmer, critiquer.

Se tu fais aucune sotie Et uns povres homs te chastie, Pour Dieu ! pren en gré son chastoy Tout aussi bien comme d'un roy, Et tien que de cuer t'amera, Quant en secret te blasmera. (Mach., C. ami, 1357, 127)

C. -Punir, corriger.

1.Chastier qqn / un animal

Adont vers le ciel se tourna Et devotement s'aourna Pour congnoistre son creatour Qu'est signeur dou munde et actour, Qui les mauvais einsi chastie. (Mach., C. ami, 1357, 52)

...combien que le doulx Jhesus (...) nous peust (...) par justes menaces espouenter et par paines et flaiaux chastier (Mir. Barl. Josaph., c.1363, 246)

Car il convient pugnir, chastier et corrigier celui qui appete choses laides. (Oresme, E.A., c.1370, 228)

Li archevesques de Cantorbie, qui en estoit enfourmés, faissoit prendre che Jehan et le mettre en prisson, et l'i tenoit deus ou trois mois pour li castiier. (Froiss., Chron. R., X, c.1375-1400, 97)

...D'une levriere qu'en son hostel avoit Qui yert en gest, dont maint chiens reparier En son hostel communement veoit, Si que pour eulz reposer ne pouoit. Tuer les volt et je li dis ainssi, Qui la levriere chastier y devoit, Qu'an riens n'y ont les chiens mort desservi. (Mach., App., 1377, 649)

Quant le roy appercoit qu'ilz venoient a effort, si remet ses gens ensemble, et les fait retraire le petit pas, et se met derriere, l'espee ou poing. Et quant il en voit un approuchier, il retourne et le fait rebouter entre les Sarrasins, et, se il l'actent, il le chastie telement qu'il n'a talent de plus sievir le roy. (Arras, c.1392-1393, 105)

...et si y eust de belles victoires (...) qui n'estoit que une execucion divine pour chastier mesdis enffans (Juv. Urs., Aud. celi, 1435, 196)

'Or ça, dist le conte, il ne fault plus ramentevoir des choses passées, sinon chastier ceulx qui ont commencié la folye, s'il y a aucuns qui y aient fait faulte...' (Bueil, I, 1461-1466, 197)

Le cheir temps par façons cruelles Nous a chastiez, bien l'entens. (Sots, c.1480-1500, 273)

...et disoit que le roy estoit esleü de Dieu pour refformer l'Eglise par force et chastier les tirans. (Comm., III, 1495-1498, 308)

Chastier qqn de qqc. Corriger qqn de qqc..

Et vous qui estes noiseux et joueurs de cartes et de dez, et suivez deshonnestes gens, tavernes et cabarez, ne pour batre que on vous en face ne vous en puis chastier (La Sale, J.S., 1456, 70)

En particulier. RELIGION Infliger des souffrances physiques dans un but de pénitence.

...sil y a aucuns menbres corporelz qui en punission du pechie original se meuuent contre la voulente et ne obeissent pas a elle, si les peult empescher franc arbitre quilz ne procedent iusques a mauuaise operacion et les peult froisser et chastier, et ainsi combien quilz rebellent a la voulente si sont ilz aucunement en la puissance de la liberte par ce que leur mouuement peult estre refere par bonne voulente. (Cib., p.1451, 223)

Chastier son corps. Se mortifier.

Je ne vous refuseray mie Pardon (...) Mais que voz viez amendez Et que vous chastiez voz corps (Mir. nonne, 1345, 350)

2.Chastier qqc. Punir qqc..

...la superfluité des biens mondains, qui est nourrice de sedicions et de murmure, est chastiee par sa mesmes nourreture et l'ingratitude des dons de Dieu est punie sur les hommes par sustracion de sa grace (Chart., Q. inv., 1422, 2)

Corriger qqc..

Ce fut Sergius, ung moigne apostat, infect de heresie nestorienne et debouté d'Eglise, qui te subgeera ceste mauvaistié pour mettre en trouble sainte crestienté et complaire aux nestoriens hereses. Et lui qui estoit bien pourveu de lettres et poy de meurs ne castia pas ses vices par sa science, maiz perverty son savoir a l'agravement de sa mauvaise vie. (Chart., L. Esp., c.1429-1430, 125)

D. -Dominer (une impulsion, un désir).

...elle se donna aucunement garde que son clerc luy faisoit faire l'abstinence pour chastier son desir charnel. (C.n.n., c.1456-1467, 578)

II. -Emploi pronominal. Se corriger, s'amender.

Or pren ci un bel reconfort Par un point samblable aussi fort, Que cils son tans ne gaste mie Qui par autrui fait se chastie. (Mach., D. Aler., a.1349, 388)

Biaus signeurs, dames, damoiselles, Dames vefves, filles, pucelles, Je vous requier, pour Dieu merci, Chastiez vous et mirez ci. (Mach., P. Alex., p.1369, 261)

...car par substencion de aide pecuniel, il se chastieroit ou retrairoit ou feroit moins de mal. (Oresme, E.A.C., c.1370, 451)

...les multiplicacions et valeur des larrecins par lui faittes et commises, tant de jour comme de nuit, de fait et aguet appensé, et la traïson commise en faisant plusieurs larrecins cy-dessus escriptes, et qu'il est incorrigible et ne se veult chastier (Reg. crim. Chât., II, 1389-1392, 504)

Et après l'avant garde venoit le sommage et la grosse bataille, et puis l'arriere garde, que le duc Anthoine faisoit, car on lui avoit bien dit que en cellui pays avoit foison de robeurs, mais le duc leur manda de fort en fort, que se ilz estoient si hardy de prendre rien sur lui ne sur ses gens, qu'il en feroit tele justice que les autres s'en chastieroient. En ce party passa toute la Leffe que mal soit cellui qui y feust si hardiz de mesprendre sur l'ost qui vaulzist une maille. (Arras, c.1392-1393, 174)

...se l'enfant du prince mesprent il le doit courrigier en lui disant que ce n'est mie estat du prince d'ainsi faire, et que s'il ne se chastie il encourra honte et blasme (Chr. Piz., Corps policie L., 1406-1407, 11)

Car voz conseilz sont sans liberté et sans ordre, vos oppinions par affection, voz conclusions sans arrest, et voz ordonnances sans exploit. A vous en advient ce que Dieu discerna par la voix de Ysaïe sur yceulx qui chastier ne se voulloient, par telz termes : 'Mandés et remandés, attendés et ratendés, maintenant de ça, maintenant de la. C'est le chemin par quoy vous cherrés en arriere, et serés marchés soubz lez piez, enlacés, prins et peris par variableté de conseil et par faulte de constance'. (Chart., L. Esp., c.1429-1430, 81)

Se chastier de qqc. Se corriger, s'amender de qqc..

Et li dy que mesel sera Pour ce qu'il a sa foy mentie, Et que je vueil qu'il se chastie De tel affaire. (Mir. Amis, c.1365, 44)

Proverbe. Beau se chastie qui par autrui se chastie

Il se dit en proverbe : Beau se chastie qui par autrui se chastie. (Mézières, Songe vieil pèl. C., t.2, c.1386-1389, 468)

Voir aussi chastoyer