OISEAU
substantif masculin[T-L : oisel ; GD : oisel1, oisel2 ; GDC : oisel ; DECT : oisel ; FEW (XXV, 775b) : aucellus ; TLF (XII, 463a) : oiseau]
A. -Au propre.
1.Oiseau.
Un oisel qui otruce a non Porte signification Du mantel que j'ai et de moi. (, Pèler. vie hum. S., c.1330-1331, 249 )
Et dessus une flour de lis Li dous rossignolès estoit Qui renvoisiement chantoit Et s'efforçoit si de chanter Que par dessus tout le chanter Des autres oisillons l'oï, Dont mes cuers moult se resjoï. Et quant j'eus oï le deduit Des oisiaus, tous seus, sans conduit, M'en alay parmi le vergier, Pour ce qu'onques, a droit jugier, Nul si trés bel veü n'avoie (, D. verg., a.1340, 14 )
Si vous di que de tous oisiaus Ooit on la les chans nouviaus, Car chascuns rendoit a sa guise Au printemps loange et servise. (, D. Lyon, 1342, 161 )
...un oiseau nommé chouecte (, De la erudition H., c.1360-1380, 36 )
Mais onques tele chanterie N'oy ne si grant melodie Com des oiseaus qui la estoient, Car de chanter si s'efforçoient Que li lieus, li bois et li champs Restentissoient de leurs chans. (, F. am., c.1361, 191 )
...il est conme oisel en mue Celi qui de cy ne se mue (Mir. st J. Paulu, c.1372, 98 )
Anciennement aucuns par le chant et par le vol ou volement des oiseaux divinoient et prenostiquoient d'aversité et de prosperité, de maladie et de santé, selon ce que il vouloient a destre ou a senestre. (, C.M., c.1377, 308 )
Et se ainsi estoit que il [le ciel] ne fust meu circulairement et que les estoilles courussent et passassent parmi, aussi comme un oisel est meu par l'aer et un poisson par l'eaue, il convendroit que elles divisassent et persassent le ciel. (, C.M., c.1377, 448 )
Car n'est beste quelconque, ne oysel, ne poisson qui puisse a ce venir [à la connaissance de Dieu] , combien que presques toutes les excellences et perfections autres qui sont en l'omme, on les treuve en aucunes des bestes ou des oyseaux (, Trin., 1402, 152 )
Si pensez, quel plaisir c'estoit De zephirus, qui lors ventoit, Qui es arbres rendoit doulz son Et roussignolz qui leur lecon Recordoient par doulz recors, Et cent mille autre oysel encors (, Chem. estude P., 1402-1403, 37 )
Je vous don dominacïom Sur bestes, sur oyseaulx volables, Sur poisson, sur choses movables Et tout fruit et tout semence (Pass. Semur D.M., c.1420 [1488], 14 )
Il y ot vng saige romain qui aprist ce mot a vng papegault et le donna a lempereur, cestuy oyseau disoit souuent a limperateur : congnois toy mesmes. (, p.1451, 196 )
Pies, corbeaulx nous ont [à nous, les pendus] les yeulx cavez Et arraché la barbe et les sourcilz. Jamais nul temps nous ne sommes assis : Puis ça, puis la, comme le vent varie, A son plaisir sans cesser nous charie, Plus becquetez d'oyseaulx que dez a coudre. (, Poèmes variés R.H., c.1456-1463, 67 )
Et, à l'eure que le roy passa, on laissa voler parmy ledit pont plus de CC douzaines d'oiseaulx de diverses sortes et façons que les oiseleurs de Paris laisserent aler, comme ilz sont tenus de ce faire, pour ce qu'ilz ont sur ledit pont lieu et place à jour de feste pour vendre lesdicts oiseaulx. (, Chron. scand., I, 1460-1483, 29 )
Plaisirs mondains sont tost passéz, Plus soubdain qu'ung oiseau ne volle (Myst. Pass. Troyes B., a.1482, 397 )
Cestui predist les signes horribles qui apparurent ès arbres et aussi le grant yver par lequel les oyseaulx geloient en l'air et tumboient mors (, Astrol., c.1494-1498, f° 100 r° )
Et les pasteurs qui s'endormoyent aux chants Des doulx oyseaux (, V.N., p.1495, 316 )
Je metz sur ton corps tel sentence Qu'on te voise couper la teste, Et que soyes comme une beste Getté aux oyseaulx et aux chiens (Myst. st Laur. S.W., 1499, 206 )
Oiseau cresté. Coq.
Remarque : Hist. prem. destruct. Troie R., c.1470-1480, gloss.
Oiseau saint Martin. Martin-pêcheur.
...ou se aucun esternue quant il se chauce ou lez orailles luy manguent ou il treuve que sa robbe est mangee dez sourys ; aultres si dient que, se ilz ont l'oysel saint Martin au dextre, que ilz ont bon hostel. (Songe verg. S., t.1, 1378, 399 )
[En cage]
Aucun aultre pouvre qui ne ont point povoir de racheter lez prisonniers achetent oiseaulx en gaiolle, lesquelx on porte pour vendre à celle fin (, Voy. Bieul B., 1351, 329 )
Elle porte en sa main vune cage Pleine d'oeseaulx et de poissons ! (Pass. Auv., 1477, 143 )
Benoist soit il qui me couva, Je ne scay pas qui me trouva Là où j'estoye, en une caige, C'estoit ung oyseau de boucaige, Mais je ne scay comme il a nom, C'est ung coqu, et non est, non. (S. fol, c.1480-1490, 6 )
Pour mieulx faire nostre besoigne Nous fault aller par la Sauloigne Pour Orleans boucher le passaige ; Que de vivres, quel qui en groigne, N'en aront nulz, je le tesmoigne, Emplus que l'oiseau de la cage (Myst. siège Orléans H., c.1480-1500, 151 )
Des Anglois n'est nul rechappé Qui ne soit pris et atrappé Ainsi comme est l'oiseau en caige ; Leur passaige avez estouppé Et ung chacun d'eulx occuppé Si bien qu'il ont eu le dommaige. (Myst. siège Orléans H., c.1480-1500, 475 )
Oiseau domestique. Volatile de basse-cour.
...dit que icellui frere Vincent predist la merveille qui fut veue en son temps, quasi par tout le monde, c'est assavoir que les oyseaux domestiques comme paons, poulles, chappons, oyes, canes et semblables comme pigeons, se absenterent de la compagnie des hommes et allerent, suivant chacun son sexe, habiter ès lieux sauvages (, Astrol., c.1494-1498, f° 113 r° )
Oiseau sauvage
En celuy estanc a grant planté d'oiseaux sauvaiges, oiseaux de riviere... (, Voy. Odoric A.M., 1351, 47 )
Toutevoies, je te requier Une chose (...) C'est que le tendre corps de ceste Fille ne soit mengié de beste Sauvage, ne d'oyseaux sauvages (Gris., 1395, 54 )
...et à le tiers course, il sera servi des ouves, petis porceus et porceletes rosteez, et des cines, greus, heyrons, bytores, pluviers et pardriz, et biaucop des aultres oisealx savages. (Man. lang. G., 1396, 51 )
De par Dieu doncques, je m'en irai à pulletrie pour achater des chapons, pullés, anes, et des petis oisealx savages pour son soper. (Man. lang. G., 1396, 58 )
Trenchier luy fist membres et teste, Et, afin que n'eust sepulture, Jaicter les fist, par grant laydure, Aux chiens et aux oiseauls saulvages. (, M.F., IV, 1400-1403, 67 )
La hante maint oisel sauvage - L'un vole, l'autre ou ruissel nage - Cannes, ramiers, herons, faisant (, L. Dames, 1416, 201 )
Oiseau ramage
...les oiseaulx ramages et les bestes privees et sauvaiges (Ménagier Paris B.F., c.1392-1394, 68 )
Proverbe.
Mais on dist : li oisiaux d'umainne affectïon Par lui mismez s'affaitte [éd. : 'l'heureux naturel se développe par lui-même'] (Jourd. Blaye alex. M., a.1455, 683 )
2.CHASSE Oiseau (de riviere)
Ainsi comme la dame faisoit ses hostes servir et aisier, le chastelain repaira de rivoier et fist par devant envoier oiseaux et venoison qu'il avoit prins a grant planté. (Bérinus, II, c.1350-1370, 88 )
Ilz le sieut comme ung beuf mené au sacrifice et le aigneau deslié, ignorant que aux liens il est tiré comme fol jusques a che que la saiette percera son jusier, comme ung oiseau qui se haste d'entrer ou las et ne scet que on traite du peril de son ame. (, De la erudition H., c.1360-1380, 280 )
En celuy estanc a grant planté d'oiseaux sauvaiges, oiseaux de riviere... (, Voy. Odoric A.M., 1351, 47 )
Et les autres volent a l'oisel de riviere, au heron, a la grue, a l'oustarde (Ménagier Paris B.F., c.1392-1394, 168 )
Le saupiquet pour connin, ou pour oiseau de riviere, ou coulon ramier. (Ménagier Paris B.F., c.1392-1394, 260 )
Prenez nombletz de porc, lievres, et oiseaulx de riviere, et les mectez en la broche et une leschefricte dessoubz, et du vin franc et du vinaigre. (Ménagier Paris B.F., c.1392-1394, 262 )
Oyseaulx de rivière ont dure char et forte à digérer. (, P. peste, 1426, 217 )
Tendre aux oiseaux. Chasser aux oiseaux en tendant des filets.
Je vous abandonne la forest pour prendre bois a charpenter, et, quant ly moyne y seront estably, je leur en donne pour leur ardoir, et tous leurs adherens et habitans. Et leur habandonne la pescherie en la mer qui est prez de ceste place, a ung quart de lieue, et tendre en la forest aux oysiaux et a toute sauvagine, pour leur despense. (, c.1392-1393, 76 )
Et ala aussy ladicte boule tuer et mettre en pieces et loppins ung povre garson oyselleur qui tendoit aux champs aux oyseaulx. (, Chron. scand., II, 1460-1483, 82 )
FAUCONNERIE Oiseau (de proie). Oiseau de proie (utilisé à la chasse).
...oisel a fauconnier (, Pèler. vie hum. S., c.1330-1331, 221 )
Lors muay je ma volenté Des menuz oiselès aus grans, Si fui desirans et engrans Et pensans comment j'aprendroie A garder un oisel de proie, L'esprivier especiaument. Et j'eus tantost apris comment J'ensuiroie ce gent mestier Douquel j'avoie grant mestier, Car Nature m'i enclinoit (, D. Aler., a.1349, 244 )
Après Prudence se sëoit Largesse qui riens ne vëoit, Einsois donnoit a toutes mains, A l'un plus et a l'autre meins, Or, argent, destriers, oisiaus, terre, Et quanqu'elle pooit acquerre, Contez, duchiez et baronnies, A heritages et a vies. (, J. R. Nav., 1349, 180 )
...quant Karles li rois qui est emperëaux Ira cachier au bois et voler aux oiseaux, Nous irons ou palais veoir ses damoiseaux (Renaut Mont. B.N. V., c.1350-1400, 756 )
Ainsi qu'il s'esbatoit à vouler des oiseaux, le jeune conte laissa aler un faucon et fist semblant que il aloit aprés. (Chron. norm. 14e M., c.1369-1372, 85 )
...aucuns compagnons ...chevauçoient sus ces marès et voloient de leurs oisiaus (, Chron. L., II, c.1375-1400, 61 )
Item, un autre nommé Henry, et a esté fauconnier, et fu à mons. de La Riviere, et se merle de oyseaux vendre, et est de Louvaing. (Reg. crim. Chât., I, 1389-1392, 385 )
Ly contes (...) avoit foison de braques, levriers, chiens courans et liemiers, braconniers, faulconniers, oysiaux de proye et chiens chacerez de toutes manieres. (, c.1392-1393, 17 )
...les oiseaulx de proye comme espriviers, faucons melles, ostours, et les semblables (Ménagier Paris B.F., c.1392-1394, 68 )
LE FAULCONNIER. Je vueil perdre mon oyseau duit, Sire, se je ne vous conduis Ou vous avrez plus beaulz deduis Que vous n'eüstes maiz pieça. (Gris., 1395, 5 )
LE FAULCONNIER [au marquis] (...) laissiez aler Vostre oyseau aprez celle proye En tel maniere qu'il la voye. Si verrez tantost bel deduit. (Gris., 1395, 6 )
...certain présent d'oyseaux de proye (Comptes Lille L., t.1, 1425-1426, 237 )
Thicius vint, son oiseau sur son poing (, Oeuvres Z., c.1450-1500, 99 )
...'estes vous garny de bons chiens et levriers ?' - 'Se j'en suis garny ? Oÿ, aussi bien et de tresbons oiseaux, ce sçay je bien, que prelat de France quel qu'il soit.' (, J.S., 1456, 259 )
[Associé à chien (pour représenter l'activité de la chasse)]
Il avint a un certein jour Qu'il me plut qu'a moult grant sejour Prenisse un traitis esbanoy, Paisiblement, sans point d'anoy, Et je savoie un lieu quillet, Noble, faitis et gentillet Pour le deduit des damoiseaus Qui bien aimment chiens et oiseaus, S'i accueilli tantost ma voie Atout le gerfaut que j'avoie. Quant je vins la bien tost après, Je vi d'iluecques assez près Proie a mon gré bien honnourable Et pour le gerfaut couvenable. (, D. Aler., a.1349, 382 )
Et s'il faut que tu contremandes, Garde toy bien qu'a Dieu commandes, Et mercie tres humblement Ceuls que tu porras bonnement, Et leur offre chiens et oiseaus A chevaliers, a damoiseaus. (, C. ami, 1357, 111 )
Si ne metoit mie s'entente En chiens, n'oisiaus, n'en dame gente, Fors en ses anemis grever. Là vuet il mettre et esprouver Cuer, corps, vigour, vie et puissance, Son tans et toute sa chevance. (, P. Alex., p.1369, 132 )
Ly contes si amoit moult les chiens et les oysiaux, et avoit foison de braques, levriers, chiens courans et liemiers (, c.1392-1393, 17 )
Mais il [le marquis] avoit son deduit mis Seul en chacier et en voler ; Seulement se voult deporter En oyseaux et en chiens chassans (Gris., 1395, 3 )
Et sciet Bervich en bon pais ... et i trueve on grant fuisson de venissons et de volilles. Et avoit la li rois d'Engleterre ses chiens et ses oiziaus ou il prendoit ses deduis (, Chron. D., p.1400, 220 )
Qui a faulcon, oisel ou chien... (, B. Dame, 1424, 345 )
...en deduyt de chiens et d'oiseaulx (Nouvelles inéd. L., p.1452, 34 )
...Amour envoya nostre marchant devers sa patiente, et luy presenta comme aultrefoiz chiens et oyseaux, son corps et ses biens, et cent mille choses que ces abateurs de femmes scevent tout courant et par cueur. (, c.1456-1467, 146 )
...chascun s'abilla, parlant et devisant de ce que plus luy estoit, Gerard de chiens et d'oiseaulx, Conrard des belles filles de leens (, c.1456-1467, 175 )
Or ont ces folz amans le bont Et les dames prins la vollee. C'est le droit loier qu'amans ont, Toute foy y est vïollee. Quelque doulx baisier n'acollee, De chiens, d'oiseaulx, d'armes, d'amours, C'est pure verté devollee, Pour une joye cent doulours. (, Test. R.H., 1461-1462, 63 )
Proverbe.
...a ce propos peut on dire 'De chiens, d'oiseaulx, d'armes, d'amours : Pour ung plaisir mille doleurs.' (, c.1456-1467, 372 )
Par comparaison.
Et pour ç'a plein Ne puis avoir son cuer, dont je me plain ; Car cuers qui va einsi de main en main, S'on l'a ennuit, on ne l'a pas demain ; Et toute voie Est vrais amans li drois oisiaus de proie, Car il ne vuet avoir pour toute joie Fors tout le cuer de celle ou il s'otroie. (, J. R. Beh., c.1340, 98 )
Nobles oiseaux. Oiseaux de fauconnerie.
Par ironie.
En eaue ou ratz plungent groins et museaux, Regnes, crappaulx et bestes dangereuses, Serpens, laissars et telz nobles oiseaux, Soient frictes ces langues ennuyeuses ! (, Test. R.H., 1461-1462, 114 )
B. -Par analogie.
1.Oiseau de Chypre. Boule parfumée modelée en forme d'oiseau.
En ma chambre a bon aromas De cynamon, mirre, alloé, Qu espandu ay, et alloé Sur mon lit escarlatte d'Ypre, Balme et encens, oyseaulx de Chippre : Vien au lit de nouvel paré Que je t'ay ainsi preparé (, M.M., c.1385-1403, 189 )
Une potence d'argent véré, à pendre une cagecte pour mettre oiseaulx de Chippre (Ch. VI, D., t.2, 1418, 315 )
Remarque : Doc.1407 ds GAY II, 254a, s.v. pomme ; doc.1420 ds GAY II, 264b, s.v. potence. V. aussi oiseletde Chypre.
2.Baquet en bois (dont les deux ais font penser aux ailes d'un oiseau) qui sert aux maçons pour porter le mortier.
Remarque : Doc.1358 (Tours, oiseau) ds FEW XXV, 792a ; doc.1474 (Péronne, deuxoisiauxa porter mortier) ds GD V, 585b.
3.Cible du tir à l'arc, en forme d'oiseau.
Remarque : Terre Jauche D., 1491-1482, 224.